Pagkakaibigan: Ang Bagong Henerasyon



          Hello ulit mga ka-Pisay Isko at sa mga tagasubaybay ng aking blog. Ngayon,  may ibabahagi na naman akong paksa sa inyo. Ang aking itatalakay na paksa ay tungkol sa “Pagkakaibigan”.


Mukhang lahat siguro ng mga tao ngayon ay kailangan na ng kaibigan. Mga kaibigang maaasahan at masasandalan sa anumang problemang haharapin. Mga kaibigang iintindihin ka sa anumang mga bagay na iyong ibabahagi sa kanila. Kaya ngayon, ano nga ba ang pagkakaibigan?


Ang pagkakaibigan, para sa akin, ay ‘yung nakakaroon ka ng maraming mga kaibigan at ituturing mo silang, sabihin nalang nating, parang isang pamilya dahil kayo ay magkaibigan; kayo ay nagtutulungan bilang magkaibigan.

Ang iba ay mapili sa kakaibiganin niyang tao. Ang iba’y mapili sa ugali. Unang-una diyan ay kung mabait ba ang isang  tao, hindi ba bulakbol, marunong bang rumespeto sa kapwa, matulungin ba, o kikilalanin ka rin bang niya bilang isang kaibigan. Ang iba ay mapili naman base sa istatus mo sa lipunan. Pinipili nila ‘yung mga taong mayayaman, ‘yung mga taong may kaya lamang sa buhay. Mapili din sila base sa pisikal na kaanyuan ng isang tao, kung gwapo ba, maganda, mataba, mapayat, may kapansanan man o wala. Ang iba naman ay basta-basta nalang kumakaibigan, basta’t maraming kaibigan ay okay na sa kanila.

Ngunit hindi naman yata lahat ng mga tao ngayon ay mababait na kaibigan. May mga taong kakaibiganin ka lang dahil may kailangan sa iyo, tulad ng pera. Sabi pa nga ng iba, eh sila daw ‘yung mga taong “D’yanMayKel”, na ibig sabihin ay “NanD’YAN lang ‘pag MAY KELangan”. Sila din ‘yung mga taong umaasa lang sa iba para makuha nila ang kanilang gusto, gaya nga ng sinabi ko kanina, pera o iba pang mga bagay.

Minsan din sa pagkakaibigan, may mga tao talagang mapanghusga kung ano nga ba ang relasyon mo sa iyong kaibigan, lalo na kapag kayo ay hindi magkapareho ng kasarian, kung kayo ay magkaibigan lang o nagkaka-ibigan na kayo sa isa’t isa. Kahit nga kayo ay matalik na magkaibigan lang ay hinuhusgahan na kaagad kayo na iniibig niyo ang isa’t isa.
Sa pangkalahatan, ang pagkakaibigan ay isa sa mga importanteng bagay sa mundo. Lahat naman yata ng mga tao ay may kaibigan na, eh dapat ay alam niyo na kung ano ang importansya nito sa buhay ninyo, ‘di ba?o nagbago na nga ba ang paraan ng pakikipagkaibigan ngayong henerasyon?
Salamat sa pagsusubaybay sa aking blog. Marami pa akong mga paksang ibabahagi sa susunod na mga linggo.

Mga Komento

Mag-post ng isang Komento

Mga sikat na post sa blog na ito

May Natutunan ba Ako sa Leksyon ng Aming Guro? Meron nga ba o Wala?

Imahe
Mga Co-Pisay Isko !!! Magandang araw po sa inyong lahat at sa aking mga co-bloggers. Ito po ang aking natutunan sa aming talakayan sa Filipino 1 tungkol sa Pang-abay at sa aming tatalakayin pang mga leksyon sa susunod na mga araw, Wastong Paggamit ng mga Salita at Pang-angkop . Ang pang-abay ay salitang naglalarawan ng pandiwa , pang-uri at kapwa pang-abay . May 12 uri ito, at ito ang mga sumusunod: pamaraan , pamanahon , panlunan , panggaano , pang-agam , panang-ayon , pananggi , panulad , kundisyonal , kusatibo , benepaktibo , at pangkaukulan . Ang pang-abay na pamaraan ay naglalarawan kung paano naganap, nagaganap, o magaganap ang kilos na ipinapahayag ng pandiwa. Ang pang-abay na pamanahon ay nagsasaad kung kailan naganap, nagaganap, o magaganap ang kilos na taglay ng pandiwa. Ang pang-abay na panlunan ay nagsasaad ng lugar kung saan ginawa, ginagawa, o gagawin ang kilos ng pandiwa. Ang pang-abay na panggaano ay nagsasaad ng timbang, bigat, o sukat. Ang pang-abay na pa...
Magbasa nang higit pa

Nanay mo ba'y May Halaga sa Iyo?

Imahe
Magandang araw ulit sa inyo mga ka-Pisay isko at sa mga tagasubaybay ng aking blog. Ngayon, ibang paksa na naman ang aking ibabahagi sa inyo. Ito ang paksa ng aking pangatlong blog, Ina. Ang ating ina ang ilaw sa tahanan ng ating pamilya, ang isa sa mga taong dahilan kung bakit tayo nandito sa mundo, ang taong sinakripisyong dalhin tayo sa kanilang sinapupunan sa loob ng siyam na buwan, ang taong inalagaan at minahal tayo mula nang iniluwal nila tayo sa mundong ito, ang taong nagdusa sa ating mga gawaing mali, ang taong tinutulungan tayo sa ating mga problema, at ang tao na hanggang ngayon ay mahal na mahal pa rin tayo kahit marami na tayong nagawang mga kasalanan sa kanila. Mula noong mga bata pa tayo, sila ang umalaga sa atin kapag tayo ay may sakit, ang isa sa mga taong una nating pinupuntahan kapag may problema, at ang taong sinasaluhan tayo sa ating mga tagumpay, ngunit hindi naman sa lahat ng pagkakataon ay sila lamang ang dapay tutulong sa atin. Minsan kasi, tinu...
Magbasa nang higit pa