May Natutunan ba Ako sa Leksyon ng Aming Guro? Meron nga ba o Wala?


Mga Co-Pisay Isko !!!

Magandang araw po sa inyong lahat at sa aking mga co-bloggers. Ito po ang aking natutunan sa aming talakayan sa Filipino 1 tungkol sa Pang-abay at sa aming tatalakayin pang mga leksyon sa susunod na mga araw, Wastong Paggamit ng mga Salita at Pang-angkop.
Ang pang-abay ay salitang naglalarawan ng pandiwa, pang-uri at kapwa pang-abay. May 12 uri ito, at ito ang mga sumusunod: pamaraan, pamanahon, panlunan, panggaano, pang-agam, panang-ayon, pananggi, panulad, kundisyonal, kusatibo, benepaktibo, at pangkaukulan. Ang pang-abay na pamaraan ay naglalarawan kung paano naganap, nagaganap, o magaganap ang kilos na ipinapahayag ng pandiwa. Ang pang-abay na pamanahon ay nagsasaad kung kailan naganap, nagaganap, o magaganap ang kilos na taglay ng pandiwa. Ang pang-abay na panlunan ay nagsasaad ng lugar kung saan ginawa, ginagawa, o gagawin ang kilos ng pandiwa. Ang pang-abay na panggaano ay nagsasaad ng timbang, bigat, o sukat. Ang pang-abay na pang-agam ay nagsasaad ng pagbabadya o kawalan ng katiyakan sa pagganap ng pandiwa. Ang pang-abay na panang-ayon ay nagsasaad ng pagsang-ayon. Ang pang-abay na pananggi ay nagsasaad ng pagtanggi o pagtutol. Ang pag-abay na panulad ay ginagamit sa pagtutulad ng dalawang bagay. Ang  pang-abay na kundisyonal ay nagsasaad ng kondisyon para maganap ang kilos. Ang pang-abay na kusatibo ay nagsasaad ng dahilan. Ang pang-abay na benepaktibo ay nagsasaad ng kagalingang dulot para sa isang tao. Ito ay tagatanggap ng kilos. At ang pang-abay na pangkaukulan ay pinangungunahan ng tungkol, hinggil, o ukol.

Ang wastong paggamit ng mga salita ay isa sa ating mga pangunahing problema kapag nagsusulat ng pangungusap. Minsan, maling salita ang ginagamit natin sa isang sitwasyon. Katulad na lamang ng may at mayroon. Ang iba ay nalilito kung paano gamitin sa pangungusap ang dalawang salitang ito. Ang may ay ginagamit kung ang sumusunod na salita ay pangngalan, pandiwa, pang-uri o pang-abay, samantalang ang mayroon ay ginagamit kung ang sumusunod na salita ay isang kataga, panghalip na panao o pamatlig, o pang-abay na panlunan. Marami pang mga salita ang minsa’y nakalilitong gamitin, tulad ng walisin at walisan, kong at kung, daw at raw, at marami pang iba.

Ang pang-angkop ay mga katagang nag-uugnay sa magkakasunod na salita sa pangungusap upang maging madulas o magaan ang pagbigkas ng mga ito. May tatlong pang-angkop na ginagamit sa pag-uugnay ng mga salita, ang na, -ng, at –g. Ang pang-angkop na na ay ginagamit sa pag-uugnay ng dalawang salita na kung saan ang naunang salita ay nagtatapos sa mga katinig maliban sa titik n. Ang pang-angkop na –ng ay isinusulat karugtong ng mga salitang nagtatapos sa mga patinig. Samantala, ang pang-angkop na –g au isinusulat karugtong sa mga salitang nagtatapos sa titik n.
Iyon lamang po at maraming salamat sa pagbisita at pagbasa sa aking blog. Marami pa pong mga paksa ang aking ibabahagi sa susunod kong post sa aking blog.
                                                                                                       
                                                                                                        -Anro Emmanuel D. Alquiza

Mga Komento

Mag-post ng isang Komento

Mga sikat na post sa blog na ito

Pagkakaibigan: Ang Bagong Henerasyon

Imahe
           Hello ulit mga ka-Pisay Isko at sa mga tagasubaybay ng aking blog. Ngayon,  may ibabahagi na naman akong paksa sa inyo. Ang aking itatalakay na paksa ay tungkol sa “Pagkakaibigan”. Mukhang lahat siguro ng mga tao ngayon ay kailangan na ng kaibigan. Mga kaibigang maaasahan at masasandalan sa anumang problemang haharapin. Mga kaibigang iintindihin ka sa anumang mga bagay na iyong ibabahagi sa kanila. Kaya ngayon, ano nga ba ang pagkakaibigan? Ang pagkakaibigan, para sa akin, ay ‘yung nakakaroon ka ng maraming mga kaibigan at ituturing mo silang, sabihin nalang nating, parang isang pamilya dahil kayo ay magkaibigan; kayo ay nagtutulungan bilang magkaibigan. Ang iba ay mapili sa kakaibiganin niyang tao. Ang iba’y mapili sa ugali. Unang-una diyan ay kung mabait ba ang isang   tao, hindi ba bulakbol, marunong bang rumespeto sa kapwa, matulungin ba, o kikilalanin ka rin bang niya bilang isang kaibigan. Ang iba ay mapil...
Magbasa nang higit pa

Nanay mo ba'y May Halaga sa Iyo?

Imahe
Magandang araw ulit sa inyo mga ka-Pisay isko at sa mga tagasubaybay ng aking blog. Ngayon, ibang paksa na naman ang aking ibabahagi sa inyo. Ito ang paksa ng aking pangatlong blog, Ina. Ang ating ina ang ilaw sa tahanan ng ating pamilya, ang isa sa mga taong dahilan kung bakit tayo nandito sa mundo, ang taong sinakripisyong dalhin tayo sa kanilang sinapupunan sa loob ng siyam na buwan, ang taong inalagaan at minahal tayo mula nang iniluwal nila tayo sa mundong ito, ang taong nagdusa sa ating mga gawaing mali, ang taong tinutulungan tayo sa ating mga problema, at ang tao na hanggang ngayon ay mahal na mahal pa rin tayo kahit marami na tayong nagawang mga kasalanan sa kanila. Mula noong mga bata pa tayo, sila ang umalaga sa atin kapag tayo ay may sakit, ang isa sa mga taong una nating pinupuntahan kapag may problema, at ang taong sinasaluhan tayo sa ating mga tagumpay, ngunit hindi naman sa lahat ng pagkakataon ay sila lamang ang dapay tutulong sa atin. Minsan kasi, tinu...
Magbasa nang higit pa